![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Mes të shoqëruarve nga policia për vrasjen e dyfishtë në Shkodër, është dhe ish-burri i Silvi Ndocit. 25-vjeçarja ishte divorcuar me të para se të bashkëjetonte me ish-policin Boran Bërçama. Policia deri tani ende nuk ka një pistë të mirëfilltë hetimi: Larje hesapesh apo zhdukje të dëshmitarëve.
![Boran Bërçama](http://www.gsh.al/wp-content/uploads/2018/07/da9c7991-111111110b74-442b-acc0-c2eaaaf89e05-715x1024.jpg)
Ish-efektivi i policisë dhe bashkëjetuesja e tij u ekzekutuan mëngjesin e kësaj të diele brenda makinës së tyre poshtë shtëpisë. Në makinë ndodhej dhe fëmija i mitur, i cili nuk u prek nga plumbat dhe ndodhet shëndoshë e mirë nën kujdesin e mjekëve në spital.
![Fëmija i çiftit](http://www.gsh.al/wp-content/uploads/2018/07/djali-2.jpg)
“Në momentin e ngjarjes fëmija ka qenë në gjumë në sediljen e pasme të makinës tip “Benz”, me targa AA 006 HA. Fëmija u gjet në kraharorin e viktimës, në sediljen e parë të pasagjerit, i tëri i gjakosur. Fillimisht menduan tmerrin, që plumbat mund ta kishin prekur dhe atë”, ka treguar një burim nga policia e Shkodrës, për Gazetën Shqiptare.
Ishin fqinjët ata që njoftuan policinë, ndërsa thonë se nuk kanë dëgjuar asnjë krismë. Hetimet e deritanishme tregojnë se autorët, të paktën dy, kanë qëlluar me armë automatik, e tipit “Scorpion” nga afër në drejtim të ish-policit dhe bashkëjetueses së tij. Policia mblodhi brenda dhe jashtë makinës më shumë se 20 gëzhoja.
![Automatik i tipit Scorpion](http://www.gsh.al/wp-content/uploads/2018/07/p-1184-vz61_rs-001.jpg)
Pak para mesditës të së dielës policia gjeti një makinë të djegur në lagjen Dobraç të Shkodrës, në dalje të Bypass-it. Në njoftimin zyrtar thuhet se paraprakisht dyshohet se mjeti të jetë përdorur nga autorët e ekzekutimit të Boran Berçamës dhe Silvi Ndocit. Brenda tij, policia zbuloi dhe një armë zjarri automatike.
![Makina e djegur e gjetur nga policia, dyshohet se u përdor nga autorët](http://www.gsh.al/wp-content/uploads/2018/07/a8aef813-111d-42b7-a372-5cf37f82382b-1024x576.jpg)
Ish-polici Bërcama kishte dhënë dorëheqjen nga patrulla e policisë 6 muaj më parë, atëherë kur ndodhej me shërbim në Fushë Arrëz.
Por, ai nuk ka dhënë asnjë argument se përse po e linte policinë. Më herët, Berhan Bërcama ka shërbyer si agjent krimesh në qytetin e Shkodrës, pikërisht në kulmin e përplasjeve të dy grupeve kriminale me njëra-tjetrën.
Si u ekzekutua ish-polici nga vrasës profesionistë… Fëmija u gjet në prehrin e gruas së vrarë
Ish-polici u ekzekutua me automatik tip “Scorpion”, autorët djegin makinën në dalje të qytetit